هاي هيي جمول

مرة واحد رفيقي سالني: شو هاي جمول اللي بتضلك طاوشنا فيها.

"جمول، هيي ريحة الخبز، هيي ريحة التراب اول ما تشتي الدني"

هيك رد الاسير المحرر عفيف حمود بس سالوا بمقابلة تلفزيونية عن جمول.

جمول هيك واكتر من هيك.

---------------------------------------------------------------------------------------------------------------------

1-      جمول هيي تاريخ تجمع من وقت اللي حمل عساف الصباغ بابل السقي بارودتو دفاعاً عن فلسطين (1936)، ليوم اللي استشهد علي ايوب بعيناتا وحملو جورج حاوي على ايدو(1972).

من الحرس الشعبي والانصار (1969) لجبهة المقاومة الوطنية لتحرير الجنوب من الاحتلال والفاشية (1978).

---------------------------------------------------------------------------------------------------------------------

2-      جمول هيي نداء اطلق من بيت كمال جنبلاط على المصيطبة ووقعو جورج حاوي ومحسن ابراهيم.

جمول هيي رصاصة خالد علوان بمقهى الويمبي

وجمول هيي رصاصة جورج قصابلي و محمد مغنية على صيدلية بسترس.

---------------------------------------------------------------------------------------------------------------------

3-      جمول هيي تاريخ من العمليات بلش من ال 1982 وما خلص بال 2000.

وجمول هيي اسماء شهداء من كل لبنان:

لولا عبود وجمال ساطي وقاسم الحجيري وزياد الحداد من البقاع،

وعلي عبدالله سليم وميشال صليبا وانعام حمزة وبيار ابو جودة من الجبل،

ويسار مروة وفرج الله فوعاني ووفاء نور الدين واياد قصير ويسرى اسماعيل من الجنوب،

والياس حرب وائل نعيم و حسام حجازي من الشمال،

وهيي كتير اسماء ما بتساعون الصفحات ولا الصور ولا الكتب بكل ضيعة وبكل حي بلبنان.

---------------------------------------------------------------------------------------------------------------------

4-      اكتر من هيك جمول اكتر من مقاومة عدو اسرائيلي.

جمول كمان جسد فرج الله الحلو اللي ذاب بالاسيد

وجمول علم لبنان على كتف جورج حاوي قبل ان يغتال غدراً

وجمول كتابات مهدي عامل وحسين مروة وسهيل طويلة ومثقفي الحزب قبل ما يموتوا

وجمول جرح على ايد سهى بشارة وانور ياسين وسليمان رمضان ورجائي ابو همين

وجمول هيي احلام احمد المير الايوبي ووليد صعب و"جلال" المعوش بلبنان جديد

وجمول هيي نضالات وردة بطرس والياس الهبر ومصطفى العريس

وجمول هيي غناني زياد الرحباني ومارسيل خليفة وخالد الهبر وسامي حواط

وجمول هيي افلام مارون بغدادي ونهلة الشهال

وجمول هيي مسرحيات روجيه عساف ويعقوب الشدراوي

وجمول هيي صفحات ومقالات بالسفير والاخبار والنداء وبيروت المساء

و جمول هيي صوت مقاوم عبر صوت الشعب

---------------------------------------------------------------------------------------------------------------------

5-      جمول هيك واكتر من هيك.

جمول هيي لكل الشيوعيين

يللي بعدون بالحزب ويللي فلوا من الحزب

يللي بالقيادة ويللي بالمعارضة 

جمول اكبر واعظم من اللي بقيو واللي فلو واللي قادوا واللي عارضوا واللي قعدوا على جنب.

منشان هيك رح نحتفل متل كل سنة وخاصة هالسنة بالذكرى الثلاثين، رح نحتفل بجمول غصباً عن كل العالم شيوعيين وغير شيوعيين منشان ارواح الشهداء المذكورين سابقاً تضلها تهدينا.

جمول هيك واكتر من هيك.

احسان المصري

بينيديكتوس السادس عشر او لولا الياس عبود

سيكون ختام هذا الاسبوع حافلاً ومزدحماً. كيف لا والبابا بينيديكتوس السادس عشر سيطأ ارض لبنان المقدسة ليزيدها قداسة. 

ثلاثة ايام سيمضيها البابا في ربوع لبنان من 14 حتى 16 ايلول. قداديس واحتفالات ستعم المناطق اللبنانية. اليافطات علقت والزجل بدا يكتب والصور المرحبة على اللوحات الاعلانية. 

في 16 ايلول هذا العام ايضاً تحل الذكرى الثلاثين لانطلاقة جبهة المقاومة الوطنية اللبنانية التي انطلقت بعد الاجتياح الاسرائيلي لبيروت يوم صمت العالم عن مجازر الصهاينة (بمن فيهم الفاتيكان). وايضاً في 16 ايلول تحل ذكرى مجزرة صبرا وشاتيلا التي ارتكبتها ميليشيات القوات اللبنانية وهي تحمل صلبانها بحق آلاف الفلسطينيين واللبنانيين وغيرهم من سكان المخيم وسط صمت عالمي ايضاً. 

في 16 ايلول سيقام قداس في بيروت - الواجهة البحرية احتفاء بالبابا وسيتوافد المؤمنين لنيل البركات من ممثل المسيح على الارض. 

وفي 16 ايلول سيقام احتفال في الاونيسكو - بيروت في ذكرى انطلاقة جمول لتذكر شهداء وابطال الجبهة.

في 16 ايلول سيشارك وفود غفيرة في استماع عظة البابا اما نحن القلة القليلة فسنشارك في الاحتفال الثاني تكريماً لدماء لولا الياس عبود وجمال ساطي وميشال صليبا ووفاء نور الدين و جورج قصابلي وانعام حمزة وبيار ابو جودة و يسار مروة والياس حرب وغيرهم العشرات من شهداء الجبهة.

في 16 ايلول سيقدم البابا ارشاداً رسولياً للبنان وخطاباً عن السلام والمحبة ومن 16 ايلول 1982 حتى اليوم قدم شهداء الجبهة دمائهم دفاعاً عن لبنان.
في 16 ايلول سيختارون بينيدكتوس السادس عشر خيار بعض الناس منذ 2000 عام اما نحن فسنختار لولا الياس عبود خيارنا منذ 30 سنة.

طلقني يا عبدو

"العرب يسمعون الموسيقى بارجلهم وليس باذنيهم". هكذا كانت تقول لنا معلمة اللغة العربية في المدرسة الثانوية وكم كانت محقة. 

مؤخراً بدات تتردد على اسماعي اصداء لاغنية اسمها "طلقني يا عبدو". في البدء لم آخذ واعطي في الموضوع كثيراً لاني لا استمع مطلقاً الى هذا النوع من الاغاني (ولا لاي نوع من البوب او الموسيقى التجارية باي لغة كانت عربية او انكليزية او غيرها). لكن شعبية هذه الاغنية دفعتني الى البحث عنها والاستماع اليها. فاكتشفت مصيبة جديدة تخطت مصيبة "الترشرش" باشواط. 

اغاني لا معنى لها مطلقاً من ناحية الكلمات. اما موسيقياً فحدث ولا حرج. الشيء الوحيد المهم فيها هو انها تصلح للدبكة والقبائل العربية تحب الدبكة والرقص. فقط احضر لهم طبلاً وسترى ما يدهش العالم. مهما كانت الكلمات واللحن المهم ان ندبك ويدب الحماس كما لم يدب حين اغتصبت فلسطين. 

ولا غرو انهم لا يكترثون بالكلمات واغاني محمد اسكندر الذكورية اكبر دليل عن الموضوع. اما شتائم كارلوس فهي صالحة للرقص رغم ان الشتائم غير محبذة امام البنات في العرف الشرقي "بس انو مهضومة والله بالاغاني". 

طبعاً هذه الاغاني المنحطة هي تعبير عن ثقافة منحطة تنخر في جسد المجتمع تشجعها الرأسماليات العربية (من روتانا الوليد بن طلال واشباهه) عبر فضائياتها واذاعاتها التي تنخر في اجسادنا 24 ساعة في اليوم. 

القطيعة الكبرى التي تواجهها هي حين تحاول عزف موسيقى غير تجارية. طبعاً لسنا نتكلم عن الفن الملتزم فقط من مثل مارسيل خليفة والشيخ امام وزياد الرحباني وخالد الهبر وسامي حواط وسميح شقير وغيرهم فهذه الاغاني تتبنى رؤيا سياسية-فكرية واضحة في يساريتها وقد تزعج اليمينيين والغير مكترثين. انما اي نوع خارج عن النمط السائد. فاغاني الراب والروك غربية وغير محبذة خاصة اذا عالجت موضوعات اجتماعية ووطنية (اما التكنو فحلال شرعاً "لانو بيرقص"). اما اغاني الطرب والتراث فهي ايضاً غير محبذة لانو"بتنعس". اما الموسيقى البحتة فهي كفر في عرف الدبيكة "وين الغنا ولا".  دبكة فقط لا غير. حب وهجران لا موضوعات اخرى ارجوكم. 

كنت اختبرت هذه التجربة من منطلق شخصي فمجرد ان احمل الغيتار كان اول سؤال يطرح. هل يمكنك ان تعزف اغنية ما لهيفا على الغيتار "بدنا نرقص واذا لا بركي شي لعلي الديك: فيروز شو هالزبالة هيدي". وتعمقت هذه التجربة حين تعزف في اطار فرقة.

تحاول عزف "اهو ده اللي صار" لشيخ الموسيقى العربية سيد درويش فيطالبون ب"طلقني يا عبدو".

تغني موشح "لما بدا يتثنى" فيطالبون ب"طلقني يا عبدو". 

تعزف "خطار" من التراث العراقي بتحديث الهام المدفعي  فيطالبون ب"طلقني يا عبدو". 

المهم ان تدبك القبائل وخاصة في الارياف. واذا لم ترد الدبكة معنا فانت طالق بالثلاثة من هذا المجتمع وانحطاطه. 

انا طالق ورافض وسابقى خارجاً عن قوانينكم. 

" طلقني يا عبدو" من هذا المجتمع وموسيقاه وكذبه ونفاقه وغبائه. "يا عبدو طلقني". 

اربع سنوات من الرفض

اربع سنوات مرت على بداية هذه المدونة 

على هذه الصفحات دوننا الرفض لاربع سنوات

من فلسطين من هبة العرب في عكا الى حتى العدوان على غزة حتى اسطول الحرية حتى احداث ذكرى النكبة

من هنا تابعنا ارهاصات الثورة في مصر من قضية ابراهيم عيسى وقصائد احمد فؤاد نجم حتى ثورة يناير المجيدة وشهدائها 

ومن انتفاضة سيدي بو زيد والبوعزيزي الى انتفاضات اليمن والبحرين وليبيا 

حتى انتفاضة سوريا التي اصابتنا في الصميم من المذابح البعثية والمؤامرات الخارجية ووساخة المعارضة وتخاذل اليسار

ومن انتفاضة الانارشيين في اليونان حتى مظاهرات وول ستريت 

ومن هنا غطينا اخبار اليسار اللبناني تأييداً ونقداً. من المظاهرات امام السفارة الاميركية في عوكر تضامناً مع غزة حتى الاعتصامات الداعمة للثورات العربية حتى مظاهرات اسقاط النظام الطائفي اللبناني 

وهنا غطينا في مرصد الافيون ممارسات الرجعيات الدينية في لبنان والعالم العربي 

هنا تضامنا مع اللاجئين والعمال الاجانب 

هنا استذكرنا جمول ومناضليها وشهدائها 

وهنا استذكرنا صبرا وشاتيلا وتل الزعتر وايلول الاسود ودير ياسين 

هنا تضامنا مع جورج عبدالله و احمد سعدات والاسرى الكوبيين الخمسة و منتظر الزيدي 

وهنا انتقدنا سعيد عقل وابراهيم الامين وناهض حتر ومالك مكتبي وطوني خليفة وفضل شاكر 

وهنا تضامنا مع مجلة الآداب ومع حملة مقاطعة اسرائيل و ومع مسرح بيروت 

وهنا تضامنا مع الراحلة رندة الشهال وعادل امام وفيروز وجوليان اسانج وناديا الفاني وعلياء المهدي وحمزة كاشغري 

وهنا نشرنا اخبار المناضلين والشعراء و الفنانين الملتزمين من مظفر النواب وعاصي الرحباني والشيخ امام ومحمد الماغوط 

وهنا تابعنا الفن البديل من مشروع ليلى الى ريم البنا الى الطفار وحركة الراب العربي 

وهنا استذكرنا فرج الله الحلو و جورج حبش وكمال جنبلاط وجورج حاوي ومهدي عامل وحسين مروة و وديع حداد وغسان كنفاني وادوارد سعيد وناجي العلي وسمير قصير وجوزف سماحة 

وهنا كتبنا خواطرنا ونثرياتنا واشعارنا 

لكل هذا حجب الموقع في السعودية وفي سوريا مما لن يثنينا عن متابعة نفس المسار الرفضي 

ولكل هذا فاق عدد رواد المدونة المئة الف والذين نتوجه بالشكر لكم متابعين مواظبين وزائرين باحثين و ناقدين عابرين والشكر الاكبر لكل الرافضين في العالم. 

قتل على الطريقة السوريالية

منهك من هذا العالم المقرف،

كعامل عائد بعد ظهيرة حارة،

من ورشة بناء شاقة.

اود لو افرغ في رأس الكون 

رصاصات انتقامية.

سأمشي في الشارع

وامتشق مسدساً 

على طريقة بريتون السوريالية

وأطلق النار عشوائياً 

على كل من يزعجني. 

سأقتل سائق التاكسي الحقير،

الذي صرخ في وجهي يوماً ما. 

سأغتصب تلك الفتاة العاهرة،

ومن ثم اقتلع فرجها العفن. 

سأرمي العجوز الشمطاء، 

من على شرفة منزلها.

سوف اسجن رجل الأعمال المتغطرس في زنزانة حقيرة،

واذيقه شتى انواع التعذيب وأجعله يموت بطيئاً.

سوف أعدم ذاك الديكتاتور قاتل الأطفال،

على طريقة نظامه الديكتاتوري،

وأدخل عصا في شرجه،

كما فعل ثوار الناتو بالقذافي.

ولأنهي ماساتي الكئيبة العميقة،

سأطلق آخر رصاصات المسدس في رأسي. 

صورة لابو انيس

صورة لابو انيس وحيدة.  على المصيطبة حد محطة الزهيري. مكان استشهاد الرفيق جورج حاوي. 

صورة حد النصب التذكاري المقام لابو انيس. الصورة فوق زيتونة حدها في علم عليه صورة جورج حاوي وفي علم للحزب الاشتراكي كمان. 

هالصورة صرلها بيجي شهرين واقعة على الارض. مقلوبة. وما حدا جلسها. 

اكيد هالحدا يللي موقع الصورة حدا تافه. حدا بتعديه على صورة جورج حاوي عم يستكمل مسلسل قديم. بلش من اواخر الثمانينات. 

الاغرب انو ما حدا من الشيوعيين جلس هالصورة. اما خوفاً من حدا ما او تجاهلاً او غيرو. 

يمكن نقول صورة وما بيأثر. طالما الصورة محفوظة بقلوبنا. بس خلينا نعكس هالصورة عصورة الوضع السياسي ووضع الشيوعيين عامة. 

صورة بلد مقلوبة من تأسيس النظام الى الحرب الاهلية الى الطائف وما بعدو وصولاً لاغتيال الحريري وابو انيس وباقي الشهداء. 

صورة مقلوبة لنظام طائفي وصراعات سياسية داخلية واقليمية مستمرة من ال 2005 وحروب اهلية باردة وساخنة احياناً. 

صورة مقلوبة لثورات هزت العالم العربي وصورة لكتير مؤامرات على هالثورات من اخوان مسلمين وسلفيين عم يركبوا موجة الثورة وصورة قوى عربية رجعية عم تخنق الثورة وصورة انظمة معفنة عم تعاند لما تموت وصورة تدخل للناتو وتركيا وروسيا وكل شي في دول بالعالم. 

والاغرب انو متل ما حدا من الشيوعيين جلس صورة ابو انيس، ما حدا من الشيوعيين عم يشتغل ليجلس صورة الثورات وصورة كل بلد عربي. 

صورة مشوهة للشيوعيين. يللي ما عم يتجرأوا  يتخلو عن لغة قديمة وصورة قديمة. ما عم يتجرأوا يقولو لنظام الاسد بسوريا حقيقتو المرة تحت حجة الممانعة وما عم يتجرأوا يقولو لحلفاء او اصدقاء بلبنان حقيقتون المرة تحت حجة المقاومة والاصلاح. ما عم يتجرأوا ينخرطوا بثورات ويقوموا بتحركات منشان الابرياء يللي عم تموت بسوريا ومنشان عمال الكهرباء يللي عم يواجهو منفردين ومنشان المقاومين يللي عم ينضربوا من عملاء اسرائيليين بوضح النهار ومنشان حماية السلم الاهلي من صراعات الطوائف. صورة مشوهة للشيوعيين.

الصورة ما بتجلس وما بترجع تصير حلوة ونظيفة غير ما نرجع لابو انيس. 

ردي منديلك ردي

"ردي منديلك ردي

بيضا والشمس حدة

بكرا بيجي محبوبك

وبيلاقيكي مسودة"

ما بعرف ليش كلما سمعت هالغنية الفيروزية بتذكرني فيكي

يمكن صوت فيروز الملائكي بيذكرني بملائكيتك

يمكن منديل فيروز او وج فيروز او اعتزال فيروز الحياة

ردي منديلك ردي. هالمنديل الابيض يللي عطول كان على وجك وكتير ملائم لانو هالطهارة و النقاء والبراءة ما بيناسبها غير اللون الابيض

بعدين ردي هالمنديل تيرد عنك حدة الشمس وتضلي بيضا وكمان لتحميكي من كتير وسخ بهالمجتمع

ردي بكرا بس تطلعي تلاقي محبوبك الاستاذ ممكن يشوفك مسودة وهوي ما تعود عليكي غير بيضا متل التلج. هيك بيكتبلك قصايد بالعربي الفصيح

ردي منديلك بس خلي مطرح ليضلو يبين تمك عم يضحك. عطول تمك عم يضحك. دائما متفائلة ما بعرف منين كنتي تجيبي كل هالتفاؤل بهالعالم الصعب

ردي منديلك تشوفك آخر مرة قبل ما روح. ما انا قماز السطوح (هيك سميتيني مرة لما نسيتيلي اسمي). انا بعدني عم قمز على سطوح هالدني واهرب من مطرح لمطرح بس هالمرة من دون ما تكون في بسمة ودعاء عم يحرسني

ردي منديلك ردي لآخر مرة