الأحد، 21 نوفمبر 2010

تحية لفرج الله الحلو في ذكرى الاستقلال




- وصاح الشيخ ضربوني بعصاية
متل ما البي بيضرب ولادو
وبعد شويي بيحكيلون حكاية
وبينامو حضنو وبيوقفو عنادو
هيك يا شيخ لفقتو الرواية
وصرتو زعامات الشعب ببلادو
وصرتو للاستقلال انتو راية
ونسي الشعب مين كانو روادو
فرج الله ورفاقو كانوا البداية
بالمعتقل قضو نضالو وجهادو
نسيتو الدولة اللي براسها غاية
وكيف للوطن قدم استشهادو
طمسو الحقيقة وبدلو الآية
بس التاريخ ما بياخد حيادو
جايي يوم يا فرج الله جايي
وعد من يللي عن دربك ما حادو
المشاعل الحمر عنصبك مضوايي
وعالمزبلة الانتداب وقوادو

احسان المصري

الخميس، 18 نوفمبر 2010

مجهول


- مجهول الهوية
مجهول الهوى
لم ولن يعرفونني
- اعيش واموت غامضاً
سراً لم يكشف عنه النقاب
يقتحم للمجهول بعض الابواب
- اعيش واموت ثائراً
فرحتي في خرق المحرمات
في اضرام النار في مواقد الذات
- اعيش واموت حالماً
ارهقتني احلامي لكن لها اقاتل
ولها امشي دروب الصبر
اعيش واموت صامتاً
اولد في اشتعال الصمت القاتل
وابقى حتى ولوجي القبر
- اعيش واموت حراً
اطير من جحيمهم الى جنتي
تعيدني قيودهم
لكنني لم اعد غراً
تعلمت ان اوثق احزمتي
ان اتحدى جمودهم
واسلك الدرب الوعر
- اعيش لاوقظ الناس من الثبات
واموت مصلوباً على جدار الاحتمالات
- اعيش واموت مجهولاً
مجهول الهوى
مجهول الهوية.

احسان المصري

الأحد، 14 نوفمبر 2010

بعد في ناس طيبين قولوا الله

- بعدنا طيبين قولوا الله .... بعدنا طيبين .. يمكن في ناس حولنا عم تموت وفي ناس عم تموت غيرها .. بتموت غيرها مش بس بالحرب الاهلية يللي بتروح وبتجي متل الدورة الشهرية .. بتموتو من طريقة التعامل اليومية ... بتموتو من كمية العنف والكبت والقهر والحقد يللي موجودة بالمجتمع اللبناني .يعني الله يرحمك يا فرويد بس لو كنت بالمجتمع اللبناني كنت كتبت مجلدات على مية مرة اكتر من يللي كتبتون وبدل عقدة اوديب كان طلع معك عقدة "باب الفان" مثلاً .
- بعدنا طيبين قولوا الله ... بعدنا طيبين رغم كل هالبشاعة يللي محاوطتنا .. بعدنا طيبين مش بس احياء . بعدنا طيبين من طيبة القلب.. اي هيدي عملة نادرة .... بس موجودة . اي بعد في ناس قلبا طيب انو ما تستغربو كتير . صحيح المتعارف عليه انو اللبنانيين زعران و انو ما بيمشي حالك بهالبلد غير ما تكون ازعر ايه بس في بعد كم واحد عم يشذوا عالقاعدة . بعد في كم واحد اهبل او غشيم او بليد او معتر او على نياتو . هودي بيشكلو مصدر ازعاج للزعران يللي متليين الارض.
- بعدنا طيبين لانو بعد في ناس طيبين . قلال . قلال كتير . بس موجودين .عندي صديق ابن مدينة . كنت استغرب كيف صامد بالمدينة . انو مش خرجو . واحد قلبو طيب بالمدينة مش راكبة . لانو كل النماذج يللي قطعت عراسي بتثبتلي العكس . هلق مش يعني انو ولاد الريف اوادم. بس هيدا بالمدينة يعتبر شذوذ . كان رفيق عمرو يضحك عليه انو قلبو طيب . انو بعد في منون هودي ووين ؟ بنص دين بيروت الكبرى .

- ايه ولاد الريف منون ملايكة . لا ابداً . هون المشكلة . ولاد الريف يللي بيجو من مطرح مفروض بعدا تكون القيم الشرقية مسيطرة ومفروض يكونو طيبين بس كمان عم يثبتو العكس عن جدارة . ما بعرف يمكن معون داء العولمة . يمكن تاثروا بولاد المدينة لانو بطلو طيبين .... قولوا الله . صار في نسبة حقارة مرتفعة بالريف ومحسوبكون دويك الاحمر اكتر واحد بيعرف هالشي .
- الانسان عامة بطبعو شرير بعكس ما بتقول الاديان . وبلبنان زايدة كمية الشر . و الشر عم يغلب الخير يعني عكس ما بيصير بالافلام . وليكو شغلة اللبنانيي ما بيعبدو الله . ايه هي انا اكيد منها . لو بيعبدو الله ما كانوا بيقتلو وبيدبحو وبيسرقو باسم الله . يعني بعد البحث والتدقيق بيتبين انو اكبر نسبة الحاد هيي بالمجتمع اللبناني . وفي منون عبدة شيطان كمان . طيب شو بدكون تسموا خمسين قبضاي من طايفة اجتمعوا عواحد من طايفة تانية ونكلولو بجثتو . يعني متل طقوس عبدة الشيطان تمام . وبيصيرو يرقصو حول الجثة كمان . طيب الدولة ما بتلاحقون متل ما بتلاحق عبدة الشيطان الرسميين . حدا جاب سيرة الدولة !!
- منرجع لولاد الريف يللي مشهورين بالكرامة والمروة والنخوة بس وضعون هالايام تعيس جداً . عندك مثلاً انو الجار قبل الدار بس هيدي بطلت صحيحة ابداً والاقارب عقارب هي شبه صحيحة . دويك الاحمر في يخبر كتير عن هالامور . دويك من الناس الطيبين....قولوا الله . قولوا الله او الشيطان او ما شي ( حسب معتقداتكون متل ما ذكرنا سابقاً ) .
- دويك بيجرب يكون ازعر . بس ما بتزبط . وهوي ابن ريف . ابن مطرح ما مفروض يكون في طيبة . بس ما عم يطلع الا عكرتة . مش عم يطلع غير البنت القحبة يللي ما بتخلي شب يعتب عليها وبتتضحك على دويك انو ليك هيدا ملا منظر. مش عم يطلع غير الخرفان يللي بدون العالم يكونو زعران والا بينكروهون شي متل احادية بوش – بن لادن ومن ليس معنا فهو ضدنا . مش عم يطلع اخوة بدل ما يسندو ضهر بعضون بيخوزقو ببعضون . مش عم يطلع .... خلينا نوقف هون احلى ما يطلع حليب النور .
- الوضع سوداوي ومأساوي واللي بدكون اياه . بس شوفو النص التاني من الكباية . في امل . ايه في امل . بعد في ناس طيبين . بعد في واحد صديقي . لا هوي من عمري ولا مجايلتي . ولا ربينا سوا . بعد في هيدا الشخص يللي ما بدو مني مصاري ولا مصلحة ولا بدو مني شي بالسياسة ( بالاذن من الرفاق السابقين والحاليين ) . بعد في شخص بيوقف عالطريق ليقلك مرحبا وكيفك وبلهفة اكتر من عمومتي وخوالي وعماتي وخالاتي والسليلة كلها مجتمعة . بعد في شخص بيسأل عنك مباشر لا ب SMS ولا بE-Mail ولا ب Facebook Message . بعد في شخص بيزورك لانو بدو يشوفك يعني مش جايي لانو مفروض عليه ما حدا جابرو ولا لاقطو على ايدو ( ليكو ما حدا فارض على حدا يحكي مع حدا او يسلم على حدا او يزور حدا منا شغلة اجبارية ويا ريت منخفف نسبة هالكذب والنفاق والدجل الموجودة ومنبطل نتصنع ) . بعد في واحد هيك ممكن . بعد في ناس طيبين .. قولوا الله . قولوا الله او الشيطان او ما شي.
- دويك يا دويك ... خليك احمر يا دويك . ايه بس خليك طيب يا دويك .

دويك الاحمر

الجمعة، 12 نوفمبر 2010

عبث وجدل وحب

- بين الذاكرة والصدفة اعبث بين ما راكمته السنون وما يولده الجنون افر من القوقعة الى فضاءات جديدة وعن نقاط الاتقاء ابحث اسافر بين النجوم واجهل كيف اقتل عاطفتي تجاهها حبي لاي منها لا يدوم. حبي ككل شيء متحول متغير لا يثبت تارة ينفجر وطوراً يكبت اجادل العذارى والمومسات وما بينهن ارسم نجمتي ثم امحيها وارسمها وامحيها الى ان تكتمل فاسكنها قصور الرفض واغار عليها من الدهر الذي غابت فيه القيم اخبئها كي لا تواجه الجهل ابقيها بعيدة عن حقد يولد حقداً الى ما لا نهاية ازورها بين الفينة والاخرى اداعبها اقبلها نعربد في فراش الحرية ونعوم في سماء الآثام نفيق على غد لن نكون فيه وحيدين على فجر جديد ينبلج معه يتوقف العبث والجدل ويبقى الحب ....... احسان المصري

الأحد، 7 نوفمبر 2010

ذكرى عملية سهى بشارة

في مثل هذا اليوم من عام 1988 قامت المناضلة البطلة سهى بشارة بتنفيذ عمليتها البطولية لإعدام قائد العملاء الاسرائيليين في لبنان انطوان لحد، فافرغت في صدره رصاصتين من مسدس عيار 5.5 ملم، رصاصتين حملتا معهما الثأر لمعاناة الآلاف الذين عانوا من قهر الاحتلال والاسر والتعذيب.ـ
لم تكن الرصاصتين كافيتان لتقتلا انطوان لحد، فعاش ونجا أثر نجدته من الطواقم الطبية الاسرائيلية، لكنهما كانتا كافيتين لإعلاء روح المقاومة واثبات قدرتها على الوصول الى أعلى قادة العدو وعملائه، وأدخلت الخوف الى قلوب المعتدين فكانت واحدة من سلسلة من البطولات التي قادت الى التحرير.ـ
سهى بشارة التي قاتلت في صفوف جبهة المقاومة الوطنية اللبنانية والحزب الشيوعي اللبناني، والتي ناضلت في اتحاد الشباب الديمقراطي اللبناني دخلت الاسر لمدة عشر سنوات كاملة في زنزانة فردية في معتقل الخيام، فعانت التعذيب الجسدي والنفسي، لكنها صمدت وخرجت أقوى حرةً جريئةً لتثبت ان ما من قوة في العالم تستطيع ان تجبر شعبنا على الرضوخ والاستسلام للمعتدين.ـ
مئات الاسماء المجهولة ومن عرف اسمه كان قد أصبح شهيداً أو أسيراً، تضحيات جسيمة ونضال بطولي، هؤلاء كانوا رفاق سهى في جبهة المقاومة الوطنية اللبنانية، وهؤلاء من أسس لتاريخ جديد في النضال ضد الصهيونية ففتحوا الآفاق باتجاه الانتصارات المتتالية.ـ
السابع من تشرين الثاني ذكرى عزيزة على كل مناضل في هذا الوطن وعلينا نحن رفاق سهى بشارة في اتحاد الشباب الديمقراطي اللبناني، فلك منا ألف تحية ووردة.ـ

http://www.uldy.org/index.php?option=com_content&view=article&id=1459:soha-bshara&catid=100:sport&Itemid=476

الأربعاء، 3 نوفمبر 2010

الوردة الحمراء والغابة الحمراء

- الخيال ليس حقيقة
والوردة الحمراء ليست غابة حمراء
- الوردة الحمراء تبقيك وحيداً
تبقيك خجولاً كلونها
هي علنية اقرب الى المستور
الغابة الحمراء هي الانتماء
هي الهروب الى الحب
الى الهوى

- الوردة الحمراء هي الهامش
هي الحياة على الطريقة الطفيلية
هي ان تبقى فيروساً اجتماعياً
هي البداية الهادئة البطيئة
والنهاية الأهدأ والابطأ
هي التفاهة المستمرة مدى الحياة
هي هدوء لا يعكر صفوه الا اخبار خفيفة عن الغابة الحمراء
هي الاستنزاف التدريجي والطريق الى الارهاق
هي انتظار الايدي لتساعدك على التصفيق
- الغابة الحمراء هي الحياة على طريقتك الخاصة
هي الطاقة المتحولة من شكل لآخر
هي ان تستغل الوقت لتتقدم
هي ان تبدأ ثورياً وتموت ثورياً
هي الحرية ثم الحرية ثم الحرية
- الوردة الحمراء هي الخنوع
الغابة الحمراء هي الثورة .
احسان المصري