الثلاثاء، 17 مايو 2011

مهدينا

- قالوا كل ارض كربلا قلنا اكيد

طالما الدنيا مليانة حكام وعبيد

رح يطلع من بيناتنا حسين من جديد

ليحرر المظلومين من قيود الحديد

نطرناك يا مهدينا لتطل من بعيد

جيت من جنوبنا المزروع ببواريد

وعدرب جمول رسمت الزغاريد

وقطفت للعامل يا عامل عناقيد

وللحب غزلت بشعرك مواعيد

ولفلسطين كتبتلها احلى الاناشيد

وبالفلسفة قارعت ادوار السعيد

- وحياة دم فرج الله اللي سال بالاسيد

قلي يا حسن مين كان المستفيد

عن قتلكون انت وحسين الشهيد

قوات او حزب الله او توحيد

ما قالها ابو انيس بكل تحديد

الي افتى بقتلكون حاخام رعديد

بدل ما يقوص ععدونا الوحيد

اغتال النجوم الحمر بركي بيختفوا

تاريهون عم يضووا بهالليل العنيد.







احسان

ليست هناك تعليقات:

إرسال تعليق