الأحد، 20 نوفمبر، 2011

قلو الاول للتاني


قلو الاول للتاني

- الاول: ليك يا صاحبي مستحي منك مش عارف كيف بدي احكي. 
- التاني : احكي يا اخي ولو.
- الاول:يعني اذا ما في ازعاج بدي منك سلفية.
- التاني : ما في سلفية ولا اخوان.
- الاول: له يا خيي سلفية مصاري. دين يعني.
- التاني :اه دين .ايه تكرم عينك اذا هيك.
------------------------------------------------------------------------------------------------------------
- الاول: ليك شو في طريقة نوقف نزيف هالدم.
- التاني :وين قصدك . بسوريا او بليبيا او وين.
- الاول: لا بدقني. عم احلق جرحت حالي. شوف.
- التاني :بدقنك . هاي بدها جامعة عربية لتوقف.
------------------------------------------------------------------------------------------------------------

- الاول: حياتي فينا نحكي كلمتين عرواق.
- التانية : ايه حياتي ليش لأ.
- الاول: انا ملاحظ . انو كل ما قرب عليكي بتتهميني انو عم اتحرش جنسياً فيكي. ويعني كل ما بعد عنكي بحس حالي شاذ جنسياً . انو في شي طريقة نلاقي حل لهالموضوع؟
------------------------------------------------------------------------------------------------------------
- الاول: ليك يا بطل انت ملاحظ هالمفارقة.
- التاني : ايا مفارقة.
- الاول: انو وين ما بتكون عم تحكي. بالشغل. بالبيت. مع اصحابك بيكون صوتك كتير عالي . بس بحس صوتك واطي لما بدك تحكي مع مرتك. وعالتلفون.
- التاني : والله مش منتبهلا.
- الاول: ايه انتبه من هلق ورايح. يا بطل انت.
------------------------------------------------------------------------------------------------------------

ليست هناك تعليقات:

إرسال تعليق