الثلاثاء، 14 سبتمبر، 2010

جمول

- يا عيد يوم اللي طليت بايلول
فل الخريف ووراقو هالصفرا
غزلتلك من الاحمر المريول
ورجع النهر ليمشي بالمجرى
ومن بيت معلمنا اطلقت جمول
بو انيس وبو خالد اعلنو ثورة
وعلى بسترس قطفنا المحصول
قصابلي ومغنية اول الثمرة
من بيروت فل العدو مخذول
ورصاص علوان حررلنا الحمرا
وبصيدا روح معروف عم تجول
تبارك الايدي اللي تقدس سرا
بانصار الليل كان عم يطول



وندهت الارض لزنودنا السمرا
شهدانا مرقو بالزمن اسطول
وفاء وسناء ولولا الزهرة
حرب و حجازي وساطي يا سيف مسلول
فوعاني وصليبا اللي مشيو عالجمرة
من المستحيل عملولنا المعقول
سهى وانور وسمير والاسرى
حررنا الارض ورجعنا على الحقول
وراحت جيوش العدو مندحرة
وتيكمل التحرير كلمة حق بدنا نقول
لازم متل ما رفعناها بارنون
نرفعها بكل لبنان رايتنا الحمرا
احسان

ليست هناك تعليقات:

إرسال تعليق