28 سنة من الراديكالية

 “We who are not as others” هيدي جملة مقتبسة من الثورية الالمانية اولريكه ماينهوف، يللي كانت قيادية بالمنظمة الثورية بادر- ماينهوف. هاي الجملة صارت بعدين عنوان لغنية لفرقة Sepultura  البرازيلية يللي بتغني Thrash/Death Metal.

في ناس بيستغربو كيف قادر تجمع بين Sepultura و اولريكه ماينهوف. انو شو صلتون ببعضون. كيف ممكن تكون شيوعي وبنفس الوقت بتسمع هالنمط الغريب من الموسيقى الصاخبة. والجامع بسيط جدا هوي انو تنيناتون بيحملو بذور ثورية رافضة وراديكالية. فسهل الجمع . بدون ما نتوسع عن يسارية بعض هالفرق وثوريتون بوج المجتمع.

انا من هول الناس. الناس يللي ما بيشبهو الناس التانيين. ويللي عطول عليهون علامات استفهام. غريبي الاطوار.

انا من هول الناس الرافضين. من هون جايي اساسا عنوان المدونة. "قصر الرفض". الناس يللي ما بيمتثلو.

انا بعدني لليوم عنفس الاشياء. من سنة كتبت كتير سلبيات او هيك التنميط المجتمعي بيفرض نشوفها. هيي مش بالضرورة سلبيات. تعريت لهالمجتمع. بعدني متل ما انا. بيتغير اشياء بس طفيفة.

بعدني ما بسبح وما بعمل سكي وما بروح ع Sky bar  و ما بحب السواقة.

"يي مهندس طويل عريض وما معك سيارة . شو نوتي" : مش قصة نوتنة، قصة شغلة ما بحبها وما ببرع فيها عدا عن انو نظري شحيح بس مجبور اعملها لاتقيد بالصورة النمطية. ايه لأ ما رح اعملها. رفض انا هيك بشوفها.

"يي، ما بتروح سهرات. كيف عايش. ما بتروح عال night . يا عقد" : مش قصة تعقيد كمان. قصة انو ما بحب الرقص ولا بحب انواع الموسيقى يللي بينرقص عليها من ال trance  و ال dubstep  و ال dubcore  و ال techno لللدبكة العربية المشهورة لكل انواع البوب. ومني مستعد ابداً ساوم بهالاطار. لانو بكون عم انساق مع الشي يللي مرسوم لالي يللي راسمو بالعالم العربي الوليد بن طلال وروتانا وعلي الديك مؤخراً.

وفينا نعد كتير كيف المجتمع بيشوف وبينمط وكيف منشوف من ميلتنا الرفضية.

بس بعيد عن السلبيات، مع اني تشاؤمي ومن تلاميذ ابو العلاء.  في اشياء كتير ايجابية صارت وكلها باطار رافض ها.

الموسيقى هالمطرح يللي هوي ملاذ (عدا عن الكتابة) قدرت اتطور فيه نسبياً . انو ما صرت مطر محمد (وخليني بس اعزف جزء من تقسيمة مطر محمد بكون فحل بس الوقت والموهبة). بس انو منيح طلعت على اهم مسارح بلبنان وبرمت البلد وعزفت بضيعتي قدام اهلي ورفاقي. شغلة كتير حلوة ومؤثرة. بس بعدني اكتر شي بمبسط بالعزف بس كون لوحدي. وحضرت موسيقى كتير وسينما اقل. واجمالا لوحدي.

بعدني عم اقرا واكتب. بنفس الوتيرة وعلى قد ما فيي من هالمكتبة المتواضعة يللي هيي اعز شي بملكو. اعز من الارض والسيارة والبيت والتلفون (يللي الصبايا بيحبوهون). عم اكتب ويا ريت في وقت اكتر لاتفرغ للموضوع.

يا ريت في وقت لاطلع من الشغل المقرف الروتيني يللي منشتغلو غصباً عنا بس منشان نطلع مصاري لنجاري المجتمع الرأسمالي. سقطة بالرفض. بدها خيار جريء بمطرح انو الواحد يترك الاشياء يللي ما بيحبها ويروح عالشايء يللي بيحبها. شي بيشبه مشهد من فيلم Almost Famous  يللي بيحكي قصة فرقة روك بيكون معهون شخص بيرافقون بدون ما يشتغل شي ولما بيسألو البطل عن حياتو يللost Famous فيلم  الواحد يترك الاشياء يللي ما بيحبها ويروح عالشايء يللي بيحبها.  الرأسمالي. بيقلو "كنت بالحمام عم فنتر وسامع مرتي عم تعيط. حسيت قديه بكرهها. تركت البيت وفليت".

وتعرفت عكتير رفاق ورفيقات. بس بعدني نفس الشخص. بحس بنفس الشعور باللانتماء. احيان بكون قاعد مع مجموعة عالم مفروض متفق انا وياهون على كتير اشياء برجع بصير اتسائل انو شو عم اعمل هون. بعدني بحس بنفس الضياع. بحس كاني Leo Ferre.

وتعرفت عصبايا كتير حلوين. وحدي منهون قضيت معها ليلة لا تنسى بس للاسف كل شي حلو بيروح. وصرت بعدين عم غنيلا "المزهرية" لعبادي الجوهر. " التقينا في مدينة وفرقتنا الف مينا، اغفري للريح والموج والسفينة كانت الرحلة حزينة للاسف". وحدة تانية عندا شبق مخيف ما بينضبط. وقصص وروايات. ووجعات راس. بس شي منيح انو صار عندي عاطفة هالشي يللي ما كان عندي ياه. شو بيعرفني رواسب الطفولة حسب فرويد.

ورحت عمطارح جديدة. رحت عفرنسا لاول مرة منشان احضر موسيقى بشكل رئيسي كالعادة. مش نو ايا نوع موسيقى. Metal. شفت الفرق يللي ما كنت بحلم بحياتي شوفون. Slayer – Korn –Megadeth – Iron Maiden – Children Of Bodom – Limp Bizkit. شو هالشعور انك تكون حد المسرح وعم ترج عال Double Bass  تبع Bring Me The Horizon.

ورحت عالاكوادور عمهرجان بيجمع اليسار من كل انحاء العالم. شي لذيذ تتلمس يسار اميركا اللاتينية. وتشوف اليسار من كل انحاء العالم. مع انو مش كل اليسار بيفتح القلب. في يسار واعي وعم يطور حالو وفي يسار مخشب مش عم يقدم ولا ميلة وجايب معو ناس ما خصون باليسار بس ملزقين فيه وعم يضروا.

باختصار رغم كل العثرات، كانت من انجح السنين بحياتي. بس مززينها برفض وراديكالية.

حيرة

على تخوم القبل التي اكاد انالها،
على تخوم قشعريرة البدن التي تعتريني بعد كل معانقة،
على تخوم النظرات المعبرة ،
على تخوم الكلام ألغامض ،
على تخوم الصمت المؤذي ،
اكاد اجن ،
احتار ،
بين المشاعر المتضاربة ،
بين الحقيقة والتوهمات ،
بين الرسائل الالكترونية المغلفة و بين ارض الواقع ،
بين من تتقدم منها بخطوات فتصد تارة فاتراجع ثم تعيدني طورا الى حظيرة المشاعر المتضاربة ،
بين من تدعوك الى جنتها تارة ثم تقفل الباب طورا ،
بين من تلمح لي بطرف اهدابها ولكنني اتغابى ثم اتقدم فتبتعد ،
اخاف من سقطات اخرى ،
اخاف من حب قد يعتقل حريتي المقدسة ،
اخاف من غرام قد يعيق الرحيل ،
اخاف من اخطائي التافهة ،
اخاف من الماضي المضرج بالالم،
اخاف من رومانسيتي الثورية الزائدة ،
اخاف من الاخريات اللواتي لا افهمهن،
اخاف ان لا اجد دواء لهذه الحيرة القاتلة.

عتابا اسماء

قلتلها شو اسمك قال جيسي

قلتها قربي لهون ونبضي جسي

شو حطت ايدا عقلبي صرت جثة

اجا الشيخ و كفنني ضيعان الشباب

قلتلها شو اسمك قال صوفي

من لمسة ايدها هر صوفي

نزلت من الجبل شيخ صوفي  

تركت المشيخة ولحقت البنات

قلتلها شو اسمك قال انجي

علقت فيها وما قدرت انجي

قال مش يسارية بس من جماعة ال NG

قلتلها ما بتفرق ان كنتي كتائب او يسار

قلتلها شو اسمك قال جاكي

يا ريت الشعور اللي جاني ، جاكي

وقفت على بابك عم اترجاكي

سنين وانتي مسكرة البواب 

عتابا حبق

قلتلها ريحة حبق قال لأ ريحة فل

القعدة معك لو بس فيها   Re fill

ما كنت جيت لو عارف بدك ياني فل

كنت ضليت بالبيت وخففت العذاب

Pesto قلتلها ريحة حبق، قال لأ

تمك وقتها يا ريت بستو

كنت لعبت الفار ان غابت بستو

ضاعت الفرصة هلق وفلو الحباب

قلتلها ريحة حبق قال لأ ريحة عود

قالتلي هيدا بزق قلتلها لأ عود

كل ما اجي تفل تقلي عود

عايش ناطر منك يلوح السراب

قلتلها ريحة حبق قال لا ياسمين

الشب بتحبي يا طويل يا سمين

دقيت بابك مية مرة وتقولي yes مين

حلك بقى تفتحي كل الابواب

قلتلها ريحة حبق قال لا وردة

عملت المستحيل اقنعي وارضي

وبعدك بتقوليلي مش واردة

وانا ضايع مش عارف الاسباب

قلتلها ريحة حبق قال لأ زهرة

شو تمنيت كون وشم عظهرا

كلو كان مخبى بس البسمة ظاهرة

والبسمة بتحكي اكتر من مية كتاب

من كيتو: هنا العالم

الطقس الاستوائي كان يخيم على اعلى عاصمة في العالم. ولكنه لم يمنع من توافد اكثر من 8000 شاب وشابة من اكثر من 88 دولة من العالم للمشاركة في المهرجان العالمي الثامن عشر للشباب و الطلاب في كيتو الاكوادور . المهرجان الذي كانت نسخته الاولى في براغ عام 1947 يتكرر كل أرْبع سنوات ليؤكد على نضالات الشعوب في جميع انحاء العالم من اجل عالم يسوده السلام و التضامن و التحول الإجتماعي.  

تحت عنوان: " ليتوحد الشباب ضد الإمبريالية, نحو عالم من السلام، التضامن و التحول الإجتماعي"، حط المهرجان رحاله هذه السنة في اميركا اللاتينية في ارض غيفارا وكاسترو وتشافيز في لفتة تقديرية لنضالات شعوب هذه المنطقة في العقد الاخير باتجاه اليسار والعدالة الاجتماعية ومحاربة النفوذ الاميركي.افتتح المهرجان الثامن عشر في 7  كانون الاول 2013 في  “Bicentenario Center”  في  قلب كيتو. كنا مجموعة من ثلاثة اشخاص تمثل الوفد اللبناني وتحديداً اتحاد الشباب الديموقراطي اللبناني. سرنا امام الوفد المكسيكي (بحسب الحروف الابجدية) حيث كانت تصدح حناجر المكسيكيين بهتافات للقائد التاريخي لليسار المكسيكي زاباتا (zapata vive la lucha sigue) وصولاً الى حفل الافتتاح حيث لم يثن تحول الطقس الاستوائي من مشمس فجأة الى امطار غزيرة الرئيس الاكوادوري رافاييل كوريا من متابعة خطابه تحت الشتاء في تاكيد على تلاحمه مع الشباب وتناغمه معهم.

سبعة ايام قدمنا وتابعنا خلالها العديد من المحاضرات والندوات. شاركنا في محاكمة رسمية معادية للامبريالية رفعنا خلالها تأثير الامبريالية على الوضع اللبناني و تحديداً تدخلها في قضية الاسير جورج ابراهيم عبدالله، واستطعنا خلالها تقديم تاريخ موجز للمقاومة في لبنان من ايام الحرس الشعبي حتى جمول وصولا حتى التحرير، وتقديم لمحات عن فلسطين منذ الثورة الاولى في 36 حتى الانتفاضتين و ما تلاهما مروراً بوضع اللاجئين الفلسطينيين وجدار الفصل العنصري ، وتقديم لمحات عن معاداة الشيوعية في لبنان والعالم العربي والاغتيالات المرتكبة بحق المفكرين اليساريين، وعرضنا قضية الحركات الطلابية والانظمة التعليمية وقضية النظام الاقتصادي العربي التابع و الخصخصة في لبنان، وقدمنا دعمنا وتضامننا مع كافة القضايا المحقة من قضية فلسطين والاحتلال الصهيوني و معاداة التدخل الامبريالي في سوريا الى المطالبة بحق تقرير المصير في الصحراء الغربية.

سبعة ايام عرضنا خلالها على "ستاند" صغير منشوراتنا وعلقنا عليه اعلام لبنان و جورج عبدالله واتحاد الشباب الديموقراطي اللبناني وجبهة المقاومة الوطنية اللبنانية، وعرضنا صور من نضالاتنا المختلفة في لبنان بالاضافة الى صور من الاعتداء الاسرائيلي في تموز 2006. وقد تهافت الناس بكثرة سواء لشراء الكوفية الفلسطينية التي باتت رمزاً عالمياً للنضال يعتمرونها في مختلف انحاء العالم او لطرح الاسئلة حول الوضع في لبنان وفلسطين وسوريا.

سبعة ايام استطعنا من خلالها تحسس الاجواء اليسارية في اميركا اللاتينية حيث كان الهتاف موحداً بين كافة هذا البلدان (“Alerta, alerta, alerta que camina, la juventud unida por América Latina”). شباب اميركا اللاتينية ينادي بتوحيد قارته فيما الشباب العربي ينحدر للاسف نحو انقسامات طائفية وعشائرية و ما دون وطنية (لم يتمكن العرب من المشاركة بكثافة بحكم بعد المسافة وغلاء اسعار البطاقات). واستطعنا ايضاً تلمس وعي لدى مجموعة كبيرة من الشباب اوروبيين واميركيين لاتينيين بقضايانا العربية من فلسطين حتى الحراكات العربية الاخيرة، وعي يفتقده ايضاً الكثير من شبابنا العربي.

على امل ان تصل هذه الصورة الى شباب بلداننا العربية، لنوحد نضالنا من اجل العدالة الاجتماعية والحرية وضد الامبريالية والرجعية والصهيونية.

                                                                             احسان المصري

سيهطل المطر

سيهطل المطر، 

سيهطل خفيفا، 

سيغسل وجهي من كل الندوب التي خلفتها،

سيغسل قلبي،

حتى الشرايين والأوردة

من كل الدماء التي سالت،

سيهطل خفيف

وسيترك نقطتين على مقلتي

كأنها دموع ذرفت للتو

فأنا منذ زمن لم اذرف دمعة

منذ زمن وانا اكظم غيظي

سيهطل المطر

، 
سيعيدني كما كنت حين أتيت من الريف

كنت نظيفا،

لوثتني المدينة،

بتجارها وعاهراتها،

سيهطل المطر خفيفا،

وسآوي مبكرا الى زنزانتي،

استمع الى موسيقى ليو فيرري،

واقرأ سيغموند فرويد،

سيهطل المطر،

سيهطل غزيراً،

سيقول لك :"اني احبك"،

تلك الكلمة التي لم اقلها،

ولكن عيني قالتاها،

وكنتي تعرفين ذلك وتتجاهلينه،

سيهطل المطر ،

سيهطل غزيرا عليكي،

عله يبلل شعرك،

وينساب غزيرا،

ليطهر قلبك من تلك القسوة والفجاجة،

سيقترب منك اكثر مما اقتربت،

وحينها ستتمنين لو كنت هناك،

كي ترتمي في حضني الدافئ،

سيهطل المطر،

غزيرا جدا،

سيكنس كل العاهرات،

سيكنس كل الاعداء،

سيكنسهم الى البحر.

سيهطل المطر،

وسأكون بالانتظار.

عاهاتنا

-        "يا بيي قد ما كترت عاهاتنا،

نزال شوي تسمع عآهاتنا،

اجتمعت كلاب الارض عا هتنا،

وبعدها مناخيرنا بالسما. "

-        انزل يا ابت،

انزل من عليائك قليلاً،

مر ولو لماماً على اولادك التائهين،

مر و اسأل على احوالنا المزرية.

انزل لنخبرك عن عاهاتنا.

-        بتنا نخوض حروب داحس والغبراء،

ولكن فيما بيننا.

بتنا قبائل يا ابت.

وكل قبيلة لديها عدتها.

-        بتنا نتبع رجال الدين وننكر العلماء،

بتنا نصفق لهذا ونلعن ذاك،

ننصب هذا الهاً وذاك شيطاناً،

نلتحق بهذا وهو يرفسنا،

وكل هذا نبرره بجملة نقتبسها من كتاب.

-        ننتقد الآخرين ونتصرف مثلهم،

نقرأ في كتبهم،

نشاهد افلامهم،

نأكل في مطاعمهم،

نستمع الى موسيقاهم،

ونطرب ونرقص ونهتز فرحاً،

اتقنا الرقص يا ابت فوق جثث الشهداء.

-        اتقنا الكثير يا ابت،

اتقنا النفاق والدجل والرياء،

اتقنا الخداع وطعن الاصدقاء،

اتقنا الاحلام واحلامنا تضيع هباء.

-        انزل يا ابت،

بنا الف داء وداء،

بنا الف وباء و وباء،

نريد منك الدواء.

-        انزل يا ابت،

رجاء