الجمعة، 26 أغسطس 2011

كمشة حنين

كمشة حنين بتدهمك لما تكون مشلوح عالحدود وحيد.
كمشة حنين للبلد.
كمشة حنين بس تسمع "يا خيال الزرقا يا ولد خدني معاك عالزرقا عالبلد" بتحس الزرقا بلدك.
كمشة حنين بس تسمع "طنطا بلدي وانا ودي اروح بلدي" بتحس طنطا بلدك.
كمشة حنين بس تسمع "للناصرية مشتاق اروح وياك للناصرية" بتحس الناصرية بلدك.

كمشة حنين للخربة.
كمشة حنين لقرعة المتي بالفي.
كمشة حنين لعيلتك اللي بتشبه بو مالحة والعيلة المنافسة بو قعقور.
كمشة حنين لمثقفي الخربة اللي بيواجهو التخلف على علاتون.
كمشة حنين لرجعيي الخربة يللي رغم بشاعتون بتحس معون بالامان.
 
كمشة حنين بتعرف انو بتزول بعدين بس تشوف الخربة بس المهم تداوي هالحنين.

ليست هناك تعليقات:

إرسال تعليق