الاثنين، 18 يوليو، 2011

عوافي


متل النسيم العليل المارق بنيسان
مرقتي هيك عقلبي هالغافي
وصارت كلماتك تحرك الاشجان
متل هز النسيم لوراق صفصافة
يا ريتك سقيتي بعد هالعطشان
يا ريتك زدتي شوي عالعوافي
شو بتكفي العوافي للولهان
كل الكلام منك مش كافي
قديش مشتاق شوفك من زمان
مشتاق يعلم خدك على شفافي
مشتاق لجرعة وفا و حنان
سقيني من قلبك هالنقي الصافي
مشتاق لعيون هالغزلان
لشعرك اللي لولح على كتافي
قبلك كنت عايش نص انسان
غرقان بالعلم والثقافة
عم ناضل لحارب الحرمان
وملتهي بمبارك وقذافي
طلي وخلي بقلبك الاحسان
ببيع كرمالك كل اهدافي
لا بدي فلوس ولا تيجان
بدي بس قبل ما موت
اتكي راسي عصدرك الدافي.

                                                                                    احسان المصري

ليست هناك تعليقات:

إرسال تعليق