الخميس، 2 ديسمبر، 2010

عتاب




عتاب

- قديش في ناس نكست اعلام
ونقلت بواريدها عكتف اليمين
قديش في ناس شوهت احلام
ولحقت التاجر لتعبي الجزادين
قديش في ناس غيرت كلام
وبتوقع مبادئها متل ورق تشرين
ولك لا تزيد الحزن عقلب منضام
روقلي بالك يا رفيقي لينين
حملنا كتير جراح عمر الايام
وبعدا مرفوعة راية المساكين
وبعدها جمول بعقل كل مقدام
وبعدون جنود فرج الله صامدين
بعدنا يا رفيقي عم نمشي لقدام
نشيل الشوك ونزرع الياسمين
في ناس ما بينفع معها الملام
انساها وتطلع على فلسطين
وضلك وفي لقادتنا العظام :
دم الشهدا وعرق الكادحين

احسان

ليست هناك تعليقات:

إرسال تعليق