الاثنين، 6 يونيو، 2011

اصحى يا شيخ يا امام

- ملاحظة : دي اول مرة حاكتب في العامية المصرية لكن معليش لعيون الشيخ امام. ومالو ان كتبنا في اللهجة اللي كتب فيها : بيرم التونسي و فؤاد حداد وصلاح جاهين واحمد فؤاد نجم ونجيب سرور و شعراء كتار غيرهم.

كل حاجة بين قوسين هيا من اغاني الشيخ.



اصحى يا شيخ يا امام (عكس مرثية سميح شقير). اصحى يا امام الغلابة والفلاحين.

اصحى يا شيخ قول "صباح الخير على الورد اللي فتح في جناين مصر" صباح الخير على خالد سعيد وسالي زهران والشهدا.

اصحى قوم شوف حنا "ازاي فرحانين كل ثورة واحنا دايماً فرحانين".

اصحى قوم شوف الصهاينة ازاي "مرعوبين مش بقلك يا حبيبي مرعوبين".

اصحى وقلهم "ادي مصر يللي شككتم في مصر".

اصحى وقلهم "بحبك بحبك بحبك بحبك يا مصر".

اصحى يا شيخ فضلت "تنادي على كل واحد في مصر" لمن سمعوك.

اصحى يا شيخ فضلت تنادي على مصر "اصحي يا مصر" لمن صحت مصر.

اصحى يا شيخ فضلت تنادي "يا مصر قومي وشدي الحيل" لمن قامت مصر.

اصحى يا شيخ قوم شوف ازاي "اتجمعوا العشاق" في ميدان التحرير مش في الزنازين.

اصحى وشوف ازاي "رجعوا التلامذة للجد تاني".

اصحى و قوم شوف "البحر بيضحك ليه" . بيضحك علشان مصر اتحررت.

اصحى يا شيخ احنا "دقت ساعتنا وابتدينا عمال وفلاحين وطلبة". واللي "شيد قصورو على مزارعنا" بيتحاكم.

اصحى شوف اللي "مصور الخيانة عيشة جنة" و"اللي باع البندقية والوطن والجلابية" مسجون.



اصحى واحمينا من كلينتون وفيلتمان وميتشل وكل "نيكسون بابا" جديد.

اصحى واحمينا من ساركوزي "فاليري جيسكار ديستان" الجديد.

اصحى واحمينا من "كارتر الندل" الجديد.

اصحى واحمينا من " كيسينجر" الجديد.

اصحى واحمينا من "حلاويلا" اللي راجع بثوب الاخوان والانتهازيين.

اصحى واحمينا من "ميكي" الرجعي والتشكيكي.

اصحى واحمينا من "التنابلة على مقهى ريش".

اصحى واحمينا من اذاعات "شقلبان".

اصحى واحمينا من "يويو" اللي معشش في الصحافة العربية.





اصحى وشوف لما ندهت "يا عرب اسمعوا صوت شعب مصر" ردد الصدى في ليبيا والبحرين واليمن وسوريا.

اصحى وغنيلهم "تكرم عين الشعب الزين في عمان وفي البحرين" .

اصحى غني لتونس للبوعزيزي " يا عيون الشعر يا تونسي يا بحور هايجين مايجين ماشيين في طريقك دايماً وحنفضل كدا ماشيين".

اصحى ونادي "يا فلسطينية" "عقبال ما يحصل حداكو".

اصحى شوف ازاي "ناح الحمام في الدوح" على غزة الجريحة "في قلب العرب" .

اصحى وشوف "شعب الجنوب " اتحرر.

اصحى وخلي "جرحك السارح يرفرف على بيروت".

اصحى غني لحبايبنا في تل الزعتر - لغيفارا - لهو شي منه -لنيرودا.



"آه يا خي" اصحى يا شيخ احنا ح"نستنظرك".

احسان المصري

ليست هناك تعليقات:

إرسال تعليق