الجمعة، 28 أبريل، 2017

عتابا - جوقة شيوعيي المهجر


عشنا بفقر بس كنزنا لا يفنى
نمنا، وعينا، اشتغلنا، ليفنا
نبقى بس نطلع Live حضرو لايفنا
خطية منشان الصحبة يا صحاب

كان التحدي رد بعتابا عتعليق
معلق عكهربة الدولة تعليق
 موقف شغل بالقانون مع تعليق
العمل بالدستور ليوم الحساب

كنت عم اطبخ وكانت ايدي مظفرة
بس هياها يا صاحبي عودتنا مظفرة
احيان بيطلع علساني كلمات مزفرة
خليك ببعتلك ياها تحت الهوا

 فرنسا، بجنوبا بلادنا الا ريحة
وبشمالا كل شي حلو الا ريحا
جيت بهالليلة فتحتلي القريحة
سكر عالحنين وخلينا ننام

 لما بتحكي عن الجنوب بتغريني 
واالي بيحب حاوي بيحب البتغريني
لزقت بالحزب بالغري بتغريني
ما بيفصلني عنو غير الكفن

 الانترنت مش مقلع واعصابي دي نار
لاقيلنا شي طريقة نروح ع Dinard
خيي مش مشكلة مندفع يورو او دينار
المهم نطلع نشم شوية هوا

ما في Train من Brest ل Saint-Malo
وبفرنسا الشعب ما بيحكي لسان مالو
مالو الوردات مع الريح والSun مالو
يا مين يقطف ورد ببلاد الغراب

وبباريس دويرات دويرات دايرة
فيها امم الله علقمة اكل دايرة
التقيت بمغربية قالت "راني دايرة"
ما فهمتش شو بدا كنت وبعدني حمار

الكلب اللي بتجرو عالصيد بلا صيدو،
بعكس الكلب اللي بيروح بلا سيدو
ونحنا يومية عاشغالنا متل بلاسيدو

بالاوبرا منصرخ بس من التعب  

ليست هناك تعليقات:

إرسال تعليق