عتابا عصرية

-اجاني من صوب الناس كذا Hint

بهدلوني وعليكي كتير هنت

ان كنو شعورك شي مرة هنت 

خدي ضربيني بهالقبقاب 

- فترة وما عملتي Like  عبوستي 

آخر كم مرة شفتك عبستي 

لعب الفار بعبي وعب ستي 

انك خنتيني مع الشباب 

- كل شي في اشعار ما قدرنا نهدك

جيوش الشرق وقفت عند نهدك 

من آخ تنهدت ما سمعت نهدك 

مش هامك ان عشت عيشة كلاب 

- بعتتلي صورتها mail عمايلي 

وصرت فرجيها كل عمايلي 
قلتلا ان ملت عميل ميلي عميلي 
وقعنا من التخت جينا عالتراب.

- غلطت وحبيتك حب عذري 

هلق بتأمل تقبلي عذري 

قربي ضربي ايدك عزري 

مش حلو بالصيف لبس التياب

- كنتي تضحكي كلما نزت نكتة

شو غيرك صرتي هيك نكدة

شرايين قلبي بالجفا نكتي 

يحرق حريشك عهالعذاب

- بسرعة بعتيلي عنوان g-mailik

يللي رح يدوخني جمالك

قاعد بصحراء عم ارعى جمالك 

قيس جديد عم يحلم بالسراب