الخميس، 7 فبراير، 2013

بيني وبينك

"بيني وبينك تسع جبال 
وعرب وصحرا وغيبة يوم 
بيني وبينك طيرة طير 
ونادو كلن عالفراق 
وقطفني متل الصبير 
صوت اللي غنوا بالعراق" 
هيك كتب طلال حيدر و غنى مارسيل خليفة. 

video

انا بيني وبينك شعر طلال حيدر واغاني مارسيل خليفة. 
وبيني وبينك اكتر بكتير من الكلام الموجود بالقصيدة ورومانسيتها. 
بيني وبينك حقائق على الارض. 
بيني وبينك المصاري اللي بتفرق الاقطاعيين عن الفلاحين 
بيني وبينك المسافة بين حريم السلطان و عائد الى حيفا 
بيني وبينك لغات القومية العربية والفرونكوفونية والكومنولث 
بيني وبينك الكنيسة المارونية وهيئة علماء المسلمين والزواج المدني  
بيني وبينك المسافة بين بربر و Creapaway 
بيني وبينك المسافة بين المسيح وريتشارد داوكينز 
بيني وبينك المسافة بين Sky Bar و "ة مربوطة"
بيني وبينك المسافة بين الجرأة والخجل
بيني وبينك المسافة بين كاريتاس وبادر-ماينهوف 
بيني وبينك المسافة بين نزل السرور وفينيسيا 
بيني وبينك المسافة بين شعر ممدوح عدوان وشعر سمير صفير 
بيني وبينك مسافة بين البحر والجرد 
بيني وبينك المسافة بين Lady Gaga و Heaven Shall Burn 
بيني وبينك المسافة بين انكل ديك و Lina's
بيني وبينك المسافة بين الحكيم جورج حبش والحكيم سمير جعجع 
بيني وبينك المسافة بين لولا عبود وميريام كلينك 
بيني وبينك كتير اشياء...

و متل ما كتب نجيب سرور وغنى الشيخ امام: 
"بيني وبينك سور ورا سور
وانا لا مارد ولا عصفور 
في ايدي عود قوال وجسور 
وصبحت انا في العشق متل "
انا بيني وبينك اسوار ما مبين بالمدى المنظور انو فينا نتخطاها 

ليست هناك تعليقات:

إرسال تعليق