الأربعاء، 21 أبريل، 2010

انتي وفيتنام

- وحياة عينك بالاحلام الصورة بتظهر براسي بحارب حالي بدي نام واتخلص من وسواسي بتقلب تحت الحرام وبدي انسى ومش ناسي شو كانت حلوة الايام بمرحلة الدراسة ولك كنتي ترميلي السلام ومحسوبك قلبو قاسي مجنون وعايش اوهام مفكر حالي سياسي هاجم تا غير نظام وتا كسرلو الكراسي اتعركجت بثورة واعلام انكسرت ايدي واضراسي قلنا ما في استسلام وكملنا بشراسة العقل بينده لفيتنام وغيفارا من تراثي وانتي بتمشي للامام وانا على متراسي صاحبتي حسين ووسام وايليا والطوباسي ومرق العام وبعدو عام ومش حاسس باحساسي ضاع الحب والغرام ومقضيها تعاسة حواليي كتب واقلام ودفتري هون وكراسي شوية موسيقى وافلام وكاسي بدقو بكاسي ولك وحياتك ما بنلام ان بين مني نجاسي الحق عهاك الكلام اللي تملكلي حواسي ما كنت شايف قدام انك همي الاساسي تبقي بس تفضي مادام طلي لدق جراسي وهلل للمسيح اللي قام وصلي وقدس قداسي حرام الغيبة حرام طلي عقلبي واسي لمسة بيشفى هالمنضام وبتنزاح المآسي بنسى السوفيات وصدام وبرشحك للرئاسة . احسان المصري

ليست هناك تعليقات:

إرسال تعليق