غنية عاطفية 19: انسى سمر يا رشيد

يا رشيد،

المشكلة انو عم تعمم سمر مش وحدة. سمر انواع بس كل وحدة نفسيتا خسة جوات خسة عراية القائد زياد.

عندك سمر المحافظة. هاي اسوأ الانواع. بيكون في اعجاب متبادل بس الطريق مسكر لانو الله والدين والرسول والعدرا وبابا وماما وما شاكل وغير بلدان وقوميات واثنيات ما بتزبط. بدنا نفكر لقدام. العما، الله والوطن والعيلة، انتي بحزب الكتائب شي؟ عم يطلعلي سمرات بmini-jupes   بس دواعش عقلياً.

عندك سمر المنفتحة . هاي مش مشكل بالطريق. الطريق مفتوح بس الك ولغيرك حسب الاجواء. هاي مشكل. صايرة متل حسن صبرا بالشراع مين بيدفع اكتر منكتبلو.

عندك سمر العنيدة (مش امين الجميل) هاي بتبقى يمكن متفقين. بس في نكاية بتكون بالدم. بتفتش عايا شي معاكس لالك لتفاجمك. متل ما عمل مؤخرا سمير جعجع بالحريري. انو جايي عم تستلمني يا سعد وبدك تصاحب فرنجية. رح صاحب الجنرال.

عندك سمر المتسلطة. هاي ممكن تكون نسوية وجايي بهاللحظة تنتقم من كل الذكور بالعالم. بس الانتقام بالمطرح الغلط... بدا واحد طرطور. انو جبلي الجاط هلق وغسلي اجريي...

عندك سمر الضعيفة. هاي بدك تلاقي معا وسيلة لتحكي. احكي يا اختي. وتبقى بتندار من شي سمر تاني.

وعندك وعندك سمرات....

وانت جايي انت وكل رشيد متلك او متلنا مقدمين. والجنازة حامية والميت كلب. منافسة على ولا شي فعلياً.

سمر لجنة حكم بستار اكاديمي وسوبر ستار . وانت وغيرك بتجو بتقدمو. وحط شو بدك: شهايد، مصاري، فن، شعر ، ثقافة، شبوبية، تلفونات، سيارات . يعني متل انواع ستوديو الفن : اغنية شعبية، طرب، اغنية لبنانية، اغنية مصرية، عزف.....

حط شو بدك مشاعر ، رومانسيات، احاسيس، عواطف، كلام، .... برضو احيان ما بتقنع اللجنة. اللجنة احيان بتختار الاعطل. بناء على شو . الله واعلم. خبرات فنية.

مهما يكون جو المنافسة، مهما تقدم مؤهلات. ليك احيان الاختيار ما بيصير حسب المؤهلات . ممكن سمر تفضل الفقير على الغني او الغني على الفقير وبالحالتين عندا اسبابا الفنية....

انت ليش قاتل حالك عهالبرنامج. حضرو من البيت وضحاك . واذا ما عاجبك طفي التلفزيون لانو ما في غيرو. صدقني ما في شي بيستاهل.

لقاء عابر

ها قد أتممنا واجباتنا الدينية،

حجت عيناي الى عينيك

أو عيناك الى عيني

ولو لمرة واحدة

في هذا السجن المؤبد

المسمى حياة

كنت قد صليت عند نهديك

وصمت بعد فراقك

و زكيت قبلات من اجلك

و شهدت وأشهد ان لا غرام من بعدك

والآن حجيت.

حين التقى الشعاعان

ذاك البريق الذي يظهر عن بعد

اراه عندك كما تريه عندي

لم تود المقل ان تفترق

بل تود ان تلتصق

كذا الشفاه

في استعادة لذكرى غابرة ربما

تطيلين الحديث

في محاولة يائسة

كأس النبيذ بدأت ترتجف بين أناملي

وحراس الأخلاق حولنا

وحولنا الأنا الأعلى

والنظام البطريركي الذكوري

محاصرين بالحدود والقبائل

ارحلي سيدتي

سررت برؤيتك مجددا

عسى النار تخمد

والروح الى طمأنينة تخلد

يعد ارهاق مزمن في عشقك

ارحلي

عودي الى قبيلتك

وانا سأعود الى حريتي.

دروس في الهروب

حين فارقت شفتاك شفتاي،

وحدي على قارعة الصقيع،

توقف الزمن بي هناك.

فحاولت عبثاً ان أهرب من طيفك الماكر.

كان لا بد ان أعيد

مراراً وتكراراً،

أن أنفخ في ذات القربة المثقوبة،

فأؤكد استحالة الحياة،

وأهرب من هنا الى هناك الى هنالك،

كان لا بد ان أفحص امكانية الامل،

فاتأكد أني لن الدغ من جحر مرتين

والافاعي كثر.

قلت لانفصامي:

لا تعلق آمالك على مشاجب عفنة

ولا على محاولات مستعادة،

يتشرذم قلبك فتلملم شتاته،

يشتعل تخمد نيرانه،

تعيده صلداً كما كان،

وتصهره مع برودة اعصابك،

وتهرب مستكيناً.

هذه الارض تقتل كل شيء،

حتى الثورات هنا تموت،

شعب باكمله يهرب

وانت عالق في متاهة العشق

 ايها الريفي الاحمق ،

كفاك حماقة

اهرب.

كالغريب أينما حللت،

فامض في اغترابك الى أقصاه،

اهرب علك تنسى.

نائياً كنت وتظل.

اهرب بسلال الحرمان.

اهرب وخذ معك اوراقك واوتارك.

اهرب وحيداً نحو عجز يدنو منك.  

اهرب اكثر ايها الريفي الاحمق.

هي الحياة هكذا بتفاهتها،

فاهرب.

دروس في الفراغ

الخواء

ثم

الهواء

ثم

الهراء

ثم

الخراء

ثم

الخلاء

ثم

الخواء.

هي حلقة جهنمية مفرغة،

فلا تسعين الى الهروب،

أيها الريفي الاحمق،

يا ملك الكلام المنمق،

فلتبق مع أصدقائك وأعدائك وأقربائك

الالكترونيين أجمعين،

ولندخل سويا في دوامة التفاهة،

في دوامة السفاهة،

في المتاهة،

متاهة الحماقة،

متاهة الصفاقة،

في دوامة النفاق، يا رفاق،

ما يغبطني اني لست احمقكم،

فهيا بنا نلعب،

تعالوا جميعا الى ارض المخابرات المباشرة،

هيا أيها الريفي الاحمق،

تقيأ ما في جوفك من كلمات،

علك تخرج بقايا الكبت والحقد

والحسرة والالم

والخواء،

و النرجسية ،

أنت نرجسي !

علام أيها الأحمق،

احذر ايها الاحمق،

كل هذا الخواء،

قاتل ومخاتل،

كأهداب معشوقة،

هو فراغ الحياة سيدتي ،

ما ينتج هذا الفراغ الالكتروني.

خواء 

دروس في الحماقة

دروس في الحماقة

وتدع التاريخ يمضي،

تدع القدر  يمشي،

وتبتسم دائما

ابتسامة الريفي الاحمق.

أيها الريفي الأحمق،

كم قادتك الحماقة الى دروب وضيعة،

فتسقط في لجج القذارة،

و تخرج منها لامباليا.

كم أنثى خذلتك،

وتخرج معهن ودودا.

كم زلة سقطت فيها،

وتخرج منها مبتسما.

كم ضربة صدعتك،

وتخرج منها حيا،

كيف لا تزال حيا،

كان يفترض بالحماقة ان تقتلك،

والغرائز البدائية

قد تقتل ايضا في المدن الفاجرة

المحملة بصنوف الصلف جميعا

وبكل انواع المافيات

ألم يكتب عبد المعطى حجازي

عن مدن بلا قلب.

هي مأساة كل الريفيين.

احص حماقات،

لا تعد ولا تحص

وابك على اطلال الفرص الضائعة.

انه القدر اذن،

القدر يبقيك حيا،

احذر ايها الاحمق،

الحياة ليست اغنية لعبد الحليم حافظ،

انها بالاحرى حلبة صراع داروينية،

لا مكان للوردية فيها

وانت تشبه شخصية من روايات مورافيا او امادو.

تعلمت من حماقاتك الكثير،

ولكن امامك الكثير لترتكبه،

وها أنت بين الفينة والأخرى،

تعشق ثم تندم،

وتعمل ثم تندم،

وتكتب ثم تندم،

وتقرأ ثم تندم،

وتندم وتندم ....

أفلا تتعظ

أيها الريفي الأحمق،

أوقف حماقاتك.

الخيارات الخاطئة

تبقى انت مقدملا كل شي. بتقلا: باخدك بجيبك بطلعك بنزلك. شو بدك.

بتقلا مش رومانسي بس بين ايديكي عم صير روميو.

اخر شي بتقلك: لا انت مش "ستيلي" . مع انو بتكون شايفة . في نوعية عناد ونكاية مخيفة.

وبتصير تروح تختار اسوأ نوعيات  وبتكون قاشعة النوعيات العاطلة.

يعني اذا حدا شغيل ومعو مصاري وحدا عاطل عن العمل بتختار العاطل.

اذا حدا مثقف او متعلم وحدا امي بتختار الامي.

حدا محترم ومرتب و رايق وحدا زعوري و اخوت بتختار الزعوري.

بتذل حالك اخر شي كرمالا وبتبقى عم تلبط فيك. اخر شي انت حس عحالك كمان انو انت غلطان بالخيار .

وتركا خيي تاخد خيارات. تعمل COMBINATION  من كل شي في خيارات عاطلة .

وبتبقى مبسوطة انو بعصتك وبتكون بعصت حالا وهيي عارفة بس العناد . شو بدك تعمل يا شيخ.

الحياة ما فيها عدل. شوفي انا بس شوفك بحس حالي اني ملحد كتير وانو الله مش موجود.

مش معقول كل هالجمال هيدا وهالعيون الزرق بعمر الشباب عم يشتغل هيك شغلة.

انتي مفروض تكوني مينيموم ملكة جمال ، عارضة ازياء . هيك شي. قاعدة عم تشتغلي تنظيف من ورا ارطة بهايم.

بحس حالي بدي روح شيل الزبالة عنك.

لا ما فيها عدل الحياة. انا قلبي عم ينفطر عليكي.

انتي كيف اخدتي هالخيار.

ليك انت ملاحظ مستوى غبائك. مستوى مرتفع جدا.

تبقى بتعمل انو انت عم تحصمص عالليرة. انو اذا شي ب 1000 وشي ب 1250 بتشتري ال 1000 انو يابا عم توفر.

وبليلة وحدة بتروح بتصرفلك 400 – 500 دولار علذة عابرة من سيجارة ما. او لتفشخ بتشتريلا لمرتك قشاط من عند Aishti  ب 400 دولار. وبابقى عم تضحك وانت مبعوص.

اخر شي بتصير معود. مش منتبه انو هول كلون خوازيق عم تختارون. وبعد كل خازوق بتكون سعيد.

ليك ريس انت وقف السواجير وقف القشط. وقف كل عمليات الحيونة و فشخ بغير اشيا.

العالم بتعمل كتير خيارات غلط.

الدليل شوف كم حمار لاحق ابو بكر البغدادي وهوي قانعون انو بتعمل عملية انغماسية و انا حاجزلك طيارة عالجنة لتتعشى مع النبي و تعاشر حوريات.

والدليل الو امتدادو التاريخي. كم واحد الماني لحقو لهتلر عاساس انو هني احلى من العالم.

والليستة بتطول. لاحظ كم واحد بيحضر فيديو سيب ايدي لوائل ومنة وكم واحد بيسمع ام كلثوم او فيروز

العالم ما بتنتبه. المشكل انو بياخدو خيارات وبيوقعوك معون وبيموتوك معون. بس لا حولة ولا عورة.

انسى يا شيخ. بدك تقعد تدل العالم عخيارات. انت ركز عخياراتك كمان . ما انت كمان ما بتسلم. ما تفكر حالك اله. 

دروس في الوحدة

عقد ونيف من الوحدة،

عقد تتعلم خلاله كيف تستيقظ،

كيف توضب نهارك في المدن المزدحمة،

كيف تشذب تلك النباتات المزعجة بحرفية جدك،

بعيدا عن ريفك الساكن،

بروتين يومي،

لا يخرقه سوى هنيهات،

لكن ايها الريفي الاحمق،

 انثى واحدة،

اخترقت وحدتك.

واحدة لا غير،

هدمت كل ذاك البنيان المرصوص.

ثم رحلت كما قدمت مسرعة.

سأنسى،

أقول سأنسى،

ذاك الجرح الغائر،

ولكن طيفها يراودني

أينما حليت،

وافتش عنها،

في القطارات،

في الحدائق،

في المقاهي،

وبين الجموع،

لا أرى إلا وجهها،

وهي غائبة.

لكني سأنسى،

وأدرك اني قادر على النسيان،

خلف هذه الضلوع،

أخبئ جسدا مثقلا بالنكسات،

فردا علمه الدهر كيف يقتل الدهر،

انتهي من العمل اليومي المقرف،

بكل اشمئزاز ،

وارتاد قصري،

وبين حنايا خير جلسائي

انسى الانام،

اتضرع قليلا على اوتاري،

وتحملني شاشة ذهبية

بعيدا عما يدور خارجها،

واقرأ الصحف الصفراء.

كأي ريفي أحمق،

لا أندم على شيء،

فما كتبته ذاك الاله  غير المرئي،

حاصل لا بد،

فأدعه يسير

كخرير ساقية في الريف.

وانام هنيئا ، وحيدا،

كاي ريفي احمق.