الجمعة، 16 مايو 2014

يوميات الواتساب 3 : حب اعمى

زوزو وزواية اصدقاء منذ زمن بعيد وكانوا يتواصلون دائماً وكانت غالباً ما تستعمل ال haha  و ال lol. وهذا ما جعل زوزو يحس في يوم من الايام بشعور ما تجاه زوزاية. ولكنه حين اكتشفها عن قرب اكثر ادرك انه احمق.
وقد كانت زوزاية حين عرفها زوزو فتاة ثورية تريد تغيير النظام . فماذا حصل يا ترى.

محادثة اولى:
زوزو: مرحبا. مشتاقين.
زوزاية: ايه وانا كمان.  بدي خبرك شي
زوزو: ايه تفضلي 
زوزاية: تعرفت عشب اسمو كوكو كتير لذيذ. وعم احكي معو.
زوزو: عال كتير.  
زوزاية:  حابة عرفك عليه بما انو انت صديقي العزيز.
زوزو: ايه ليه لأ.
زوزاية: طيب فينا نلتقى اليوم. 
زوزو: اكيد. طيب بتحبو تجو ة مربوطة.
زوزاية : لا بفضل لأ.
زوزو: العما ليه. مش هيدا افضل مكان لالك وكنا عطول نلتقى هونيك.
زوزاية: مبلا بس كوكو ما بتخيل بيحبو.  
زوزو: طيب مش مشكلة منشوف شي محل تاني. بس انا ممكن اتاخر شوي لانو في عنا اعتصام. مش جايي عالاعتصام.
زوزاية: لا ما رح روح. لانو رح يكون عندي شغلة انا وكوكو.
زوزو: طيب. بس نخلص الاعتصام منلتقى بالحمرا.
زوزاية: لا بفضل صراحة ما نلتقى بالحمرا. اذا شي ب Uruguay street
زوزو: وين هيدا اختي.
زوزاية: بال DT
زوزو: اه بالبلد.
زوزاية: ايه. كوكو كتير بيحب هونيك.
زوزو: طيب يا ستي . بتموني انتي وكوكو.



مساء في ال Uruguay street :
اتصل زوزو بزوزاية فاخبرته انها في CBJ. فذهب الى هناك واذ به يلتقي بها مع كوكو. تعرفا على بعضهما. فاذ بكوكو شاب ذو شعر طويل وكثيف يرتدي قميصاً من الموسلين.
زوزو: والله كنا بالاعتصام.
كوكو (لزوزاية) : شو يعني اعتصام babe.
زوزاية: بخبرك بعدين حياتي.
زوزو: جبتيلي كتاب عبد الرحمن منيف.
كوكو (لزوزاية) مين منيف babe.
زوزاية: بعدين يا زوزو مش هلق. اصلا ما قريتو لانو كنت عم احضر  Desperate housewivesانا وكوكو.
زوزو (بنفسه): العما شو دين ربو هيدا الانسان. ليك شو عامل فيها.
وحين انتهوا جميعاً من تناول البرغر الشهي. طرحت زوزاية ان يذهبوا جميعاً الى Pub  هناك. ثم قرروا ان يغيروا المكان. حاول زوزو اثناء الطريق ان يستفسر وكان منزعجا كثيرا ولكن صداقته لزوازية جعلته يصمت.  صعدوا في سيارة ال Dodge Charger تاعول كوكو بصوتها البشع. ثم ذهبوا الى Skybar. و طلب كوكو زجاجة شمبانيا . كانت اول مرة يزور فيها زوزو ملهى ليلي. وقد اعتقد ان زوزاية لا تحب هذه الاماكن. ولكنه فوجئ بها وهي منمدجة جدا مع كوكو.  
انتهت السهرة فاوصل كوكو زوزو الى بيته. قال له شكرا. وهو يدندن اغنية ل System of a down 
they take me away from the strangest places ... sweet danny and lisa

محادثة ثانية:
زوزو: مرحبا. في اعتصام اليوم.  بدك تجي.
زوزاية: لا رايحة انا وكوكوعحفلة DJ ل Mix FM
زوزو: ماشي.
زوزو (بنفسه): الله يلعن ابو كوكو على ام كوكو على هالعلقة اللي علقتيها. بشو كنتي عم تفكري لعلقتي بواحد فارغ. 

الأربعاء، 7 مايو 2014

يوميات الواتساب 2 : صداقة

محادثة اولى:
زوزو: مرحبا. 
زوزاية: ..... (لا رد) 

محادثة بالتوازي:
جوجو: بدي خبرك نكتة. 
زوزاية: ايه بليز. 
جوجو: مرة كان في واحد
زوزاية: هاهاها  
جوجو (بنفسه) : العما بعد ما خبرتا النكتة وهيك. 
زوزاية (بنفسها): يي ما اهضمو

محادثة ثانية:
زوزو: مرحبا. 
زوزاية: ..... (لا رد) 

محادثة بالتوازي:
جوجو: كيفك اليوم حياتي
زوزاية: منيحة بس في شغلة
جوجو: شو قوليلي يا روحي. 
زوزاية: حياتي هيدا السميك زوزو بيضلو يتحركش فيي. ما عم رد عليه. 
جوجو: شو بدك فيه حياتي عفاكي ما تردي. 

محادثة ثالثة:
زوزو: يا زوزاية بدي منك شغلة. 
زوزاية: ايه شو؟ 
زوزو: في عنا هالشحنة بدنا نمشيها وانتي ما عم تردي عالتلفون. في مجال تشوفيلي بالشركة عندكون. 
زوزاية: اه بس هيك. 
زوزو: ايه بدي عذبك. 
زوزاية : فكرت بدك مني شي شخصي.
زوزو: لا سلامتك. 
زوزو (بنفسه): العما شو مفكرتني رح شك عليها. 


محادثة رابعة:
زوزو: مرحبا جوجو.
جوجو: شو في
زوزو: ما شي خيي عم اتطمن عليك.
جوجو: اه بس هيك.
زوزو (بنفسه) العما شو قصتو هيدا. ما كنا نضلنا سهرانين نحنا وياه.  

مساء في الجميزة:
زوزو يلتقي بجوجو وزوزاية. 
زوزو: مرحبا . 
زوزاية: هاي مشى حال الشحنة. 
زوزو: ايه تمام. 
زوزاية: طيب يلا منشوفك. 
جوجو (صامتاً)