الاثنين، 17 يناير، 2011

بيت


- برا كنت حيران
في بيت لفاني
برا كنت بردان
في بيت دفاني
برا كنت مرضان
في بيت شفاني
حامل كنت احزان
مخبيها باجفاني
ومأكد الانسان
شو ما عمل فاني
كان الشوق ولعان
لارض يبساني
فتشت عن عنوان
تطفي نيراني
ولقيت بهالمكان
جمول ميداني
رفاق من لبنان
و حلبي وعماني
ومن مصر والسودان
وفلسطين المنصانة
لقيت هون جبران
الهبر و الرحباني
لقيت حسن حمدان
وغسان كنفاني
و موسيقى والحان
اشعار واغاني
وشهدانا هالفرسان
كفنتون باكفاني
هون اس البنيان
تضلو يا اخواني
بوجودكون الاوطان
بتصير عمرانة
ومهما مرق ازمان
حمرا كانت وبتضل
حمرا السنديانة.



احسان

ليست هناك تعليقات:

إرسال تعليق