السبت، 20 مارس، 2010

عتابا الخيانة

- كل عميل وخاين ويوضاس
خطط ونفذ وسمو عم يدس
جايي يوم تحت رجلينا رح يداس
ويلي عفتك السيف بالرقاب
- العملاء خوجة وعلم ورافع
صار في محامي عنهن يرافع
والمقاوم اللي راس امتو رافع
يحفر قبورهم و يدفنهم بالتراب
- يللي متحالف مع نتنياهو ومع باراك
ومسكر عابن غزة معبرك
مهما عملت لسيدك ما معبرك
خربت مصر اللي كانت ام البلاد
- لكل شهيد بارضنا سلامي
الموت بكرامة ولا لحظة سلامة
واللي اغتال المبحوح وغسان وسلامة
حسابو عسير ولو طال الزمان
- في عدو عم يهجم عارضي وعمالي
وفي ناس تاريخهم كلو عمالة
وفي ناس مشيو بدرب عمالي
درب جمول يا روح الشعب

احسان المصري

ليست هناك تعليقات:

إرسال تعليق