6000 سنة

6000 سنة حضارة ، حضارة الحروب الاهلية والسبت الاسود والمجازر و الذبح عالهوية .

6000 سنة سيادة ، سيادة ما ضل بلد بالعالم او محتل ما مرق من هون : المصريين الفراعنة، الآشوريين، الفرس، الإغريق، الرومان، الروم البيزنطيين، العرب، الصليبيين الأوروبيين، الأتراك العثمانيين، الفرنسيين ،الاسرائيليين، السوريين والايام جايي .

6000 سنة عمالة، لكل انواع المحتلين المذكورين آنفاً .

6000 سنة عنصرية : قتل عمال سوريين وملاحقتهم في الشوارع، ذبح الفلسطينيين في المخيمات من قبل ميليشيات الطوائف والدولة ، استعباد العاملات المنزليات من كل الجنسيات ( اثيوبيا ،سيريلنكا ، الفيلبين ، نيبال ... ) ، مطاردة اللاجئين العراقيين والسودانيين.

6000 سنة استعلاء، على العالم انو نحنا اخترعنا الحرف . نحنا اخترعنا الحرف بس العالم صاروا عالمريخ !!

6000 سنة تذاكي وحربقة واحتيال ونصب.

6000 سنة تجارة وسياحة ودعارة وبيع وشراء.

6000 سنة من التاريخ يللي مختلفين عليه ، انو الموارنة فينيقية و الاسلام عرب . ولا ما زال في 6000 احتلال مرق من هون . مين بعدو فينيقي او عربي صافي .

60000 سنة على هيك بلد .