-ما فارق برد او شوب ما فارق
ياما نطرنا عالطرقات وعالمفارق
نحلم بيوم للبشر ما في رق
صارت كل احلامنا كالسراب .
-كنا عالثورة العزيمة عقدنا
خسرنا وقعدنا نحلل عقدنا
واليوم عم نحلم بغرفة عقدنا
تا نلطي فيها من غدر الدياب .
- يا حلم يللي من بعيد نادالي
قلتلي المطر عليك والندى لي
ما تخيلتك تكون بهالندالة
بعدني ناطر متل عشبة عالتراب .
- شو وضعك بعد هالغيبة وحالك
يلي غرقتيني بوحالك
تركتيني بليل اسود وحالك
واشعلتي في قلبي نار العذاب .
- حلك تحسي بهالقلب البيعاني
حلك تشوفي الدموع اللبي عيني
حلك بقا اشتريني او بيعيني
وجديلك حل بحق الكتاب .
ليست هناك تعليقات:
إرسال تعليق