- لك مدري وين كنت متخبي
بتمرق طيف والناس ما بتشوف
تاريهون بيقشعو اللي جيبتو معبي
واللي صوتو عالي وبيضرب كفوف
واللي بيسبلو كم مسبي
واللي بيتزعرن على المكشوف
وانت يا شرايين الدم بقلبي
انت بس واحد من بين الالوف
ولك كتر خيرو هالمربي
بتشهد باخلاقك المتن و الشوف
انت يا نسمة صيف عذبي
لوح على جفوني يا دمع مذروف
صدقني انو هيدي مش كذبي
هيدي الحقيقة يا اجمل الموصوف
يا قديس عليت عند ربي
و يا اطهر شيخ ببني معروف
اللي متلك قلايل بالمحبة
صروف فيها وبذر المصروف
بلكي الزمن بيقلبلو شي قلبي
وبيقدر حالتك وبيعرف الظروف
ساعتها بيعرف شو قصر بحقك
بينحنيلك وبيقلك : عذرني عمول معروف .
احسان المصري
ليست هناك تعليقات:
إرسال تعليق