الأربعاء، 13 أغسطس، 2014

مدينة البهائم 5: حماة نكدة

زوزاية هيي حماتا لجوجاية. وبطبيعة الحال العلاقة بيناتون متوترة متل ايا كنة وحماة.
هلق انو اجا العيد و جوجاية بدا تعمل كعك العيد كالعادة. فحصل مشكلة.

زوزاية: شو العيد بعد يومين وبعدك ما عملتي كعك.
جوجاية: ايه انو بعد ما قبضنا انا وزوزو. ما اشترينا غراض الكعك.

زوزاية: ما بيصير نحنا عايامنا كنا نعمل كعك قبل بشهر.
جوجاية: ايامكون كانت غير. هلق بعد ما حدا من جيراننا عمل. 




ثاني يوم. بعد ما جابو الغراض.
زوزاية: شو كم كيلو بدك تعملي.
جوجاية: 2 كيلو.
زوزاية: بس، يا حرام الشوم. نحنا عايامنا كنا نعمل 10 كيلو.
جوجاية: مين بدو ياكلون 10 كيلو. انا وزوزو
ما مناكل كتير وما بيجينا ضيوف.


ثالث يوم. بعد ما عملو الكعك.
زوزاية: ما حبيتون للكعكات. مش حلوين زيادة.
جوجاية: ايه طيب زوزو ما بيحبون حلوين.
زوزاية: شو بيفهمك انتي وياه.
جوجاية: يعني نحنا ذوقنا هيك.
زوزاية: تضربو انتو وهالذوق.

رابع يوم بتجي كوكاية بنت زوزاية لعندا وجايبة معا كعكاتا.
فطبعا زوزاية حبتون كتير لانو كعكات بنتا بس هيي مش عارفة انو كوكاية عاملتون بنفس المقادير تيع جوجاية.

واستمر النكد تبع زوزاية لحد ما ماتت.

ليست هناك تعليقات:

إرسال تعليق