السبت، 19 مارس 2011

دعوة عامة


لكل ام ابنها تغرب برات البلد لانو مش ملاقي وظيفة بالبلد
لكل شب عم يشحد واسطة عن باب الزعيم
لكل بي قاعد بلا اكل منشان ياكلو ولادو
لكل اخت خيا توفى بالحرب الاهلية ودمو باعو زعيم الطائفة على اول مفرق
لكل صبية مش معترف فيها النظام لانو بيا مش لبناني
لكل خي مات خيو عباب المستشفى
لكل موظف ما معو سيارة او معو سيارة بلا بنزين
لكل صديق صفى لوحدو بعدما هاجرو كل صحابو
لكل تلميذ عم يدرس بالعتم لانو ما في كهرباء
لكل عامل انطرد من وظيفتو من دون تعويض ولا من يحزنون
لكل ختيار قاعد بهالجبل العالي بالبرد من دون تدفئة
لابن كل ضيعة ما بيعرف شو يعني بيروت
لكل شيخ وراهب بيعرف ثروات مذهبو وين عم تروح
لكل واحد قرفان من الاخبار يللي عم يجتروها من سنين : محكمة وسلاح ووحدة وطنية وعيش مشترك
لكل واحد منكون اذا ما نزلتو بكرا بتكونوا عم تخونوا دم الشهداء يللي قتلون النظام الطائفي بالحرب الاهلية و
وبتكونوا عم تخونوا عذابات المغتربين بعاد عن اهلون وصحابون
وبتكونوا عم تخونوا تعب الفقراء والمعترين بشغلون ومدارسون وبيوتون


ليست هناك تعليقات:

إرسال تعليق